"වෛද්‍ය පීඨයේ අපි" එකමුතුව
ශ්‍රී ජයවර්ධනපුර විශ්වවිද්‍යාලයේ වෛද්‍ය විද්‍යා පීඨයේ සියලුම සහෘදයන්ගේ කලා හැකියාවන් ඔප් නංවනු වස් 2022 වර්ෂයේ නොවැම්බර් මස 08 වන දින වෛද්‍ය විද්‍යා පීඨයේ පීඨාධිපති ජ්‍යෙෂ්ඨ මහාචාර්ය ආලෝක පතිරණ මැතිතුමාගේ අනුග්‍රාහකත්වයෙන් හා ප්‍රධානත්වයෙන් අභිනවයෙන් ඇරඹි කලා සංසදය “වෛද්‍ය පීඨයේ අපි” නමින් හැඳින්වේ.
මෙම සංසදයේ ගරු සභාපතිනිය වශයෙන් අනුෂා ක්‍රිෂ්ණරත්න මහත්මිය, ගරු ලේකම්තුමිය වශයෙන් ජානකි උඩගෙදර මහත්මිය සහ ගරු භාණ්ඩාගාරික වශයෙන් සාගර රංග මහතා පත් විය. මෙම සංසදයේ ජ්‍යෙෂ්ඨ මහාචාර්ය ආලෝක පතිරණ මැතිතුමා, නියෝජ්‍ය ලේඛකාධිකාරීතුමිය හා සහකාර මූල්‍යාධිකාරීතුමිය ප්‍රධාන අනුශාසක වරුන් ලෙස කටයුතු කරනු ලබයි.
අනුෂා ක්‍රිෂ්ණරත්න
011 2881788 Ext: 4012
ජානකි උඩගෙදර
011 2881788 Ext: 4012
මෙම සංසදයේ සාමාජිකත්වය වෛද්‍ය පීඨයේ සියලුම සාමාජික සාමාජිකාවන් හට කිසිදු බාධාවකින් තොරව ලබා ගත හැක.
අමතන්න 011 2881788 Ext: 4012
විශේෂාංග
ගී මියැසිය
"වෛද්‍ය පීඨයේ අපි" මංගල සැසියේ සියලුම සහෘදයන්ගේ අභිමතය පරිදි ප්‍රථම ඉසව්ව වුයේ 2023 වර්ෂයේ ආරම්භයත් සමග "වෛද්‍ය පීඨයේ අපි" ගී මියැසිය සංවිධානය කිරීමයි. එම ගී මියැසිය සඳහා වෛද්‍ය පීඨයේ ගායන, නර්තන හැකියාවන් වලින් හෙබි සියලුම සාමාජික සාමාජිකාවන් හට තම හැකියාවන් කරළියට ගෙන ඒම ඉතාමත් සාර්ථක අයුරින් කල එලි නැංවීම සිදු වුයේ ශ්‍රී ජයවර්ධනපුර විශ්වවිද්‍යාලයේ ලේඛකාධිකාරී තුමා, වෛද්‍ය විද්‍යා පීඨයේ පීඨාධිපතිතුමා හා සියලුම අධ්‍යයනාංශ ප්‍රධානීන්ගේ හා සම්භාවනීය අමුත්තන්ගේ ප්‍රධානත්වයෙනි.
2023 අලුත් අවුරුදු උළෙල
2023 වර්ෂයේ සිංහල අලුත් අවුරුදු උළෙල සංවිධානය වුයේ "වෛද්‍ය පීඨයේ අපි" සංසදයේ දෙවැනි ඉසව්ව විලසිනි. මෙහිදීද ප්‍රධාන ආරාධිත අමුත්තා ලෙස පීඨාධිපති තුමා ඇතුළු සම්භාවනීය අමුත්තන් පිරිසකගේ සහභාගිත්වයෙන් මාර්තු මස 30 වන දින වෛද්‍ය පීඨයේ සියලුම සාමාජික සාමාජිකාවන්, ඔවුන්ගේ පවුල් වල සාමාජික සාමාජිකාවන්ගෙත් විශ්‍රාමික සංසදයේ සියලුම මහත්ම මහත්මින්ගෙත් සහභාගිත්වයෙන් ඉතාමත් වර්ණවත් හා උත්සවශ්‍රීයෙන් කර ගැනීමට හැකියාව ලැබිණි.
