වෛද්‍ය ශිෂ්‍යයන්ට අධ්‍යයන කටයුතු සඳහා මූලිකව ම අවශ්‍ය වන මෘතදේහ පරිත්‍යාග කරන ලද බැතිමතුන්ට පින් අනුමෝදන් කරනු වස් වාර්ෂික ව පවත්වනු ලබන පිරිත් පිංකම සහ පසුදා උදෑසන පවත්වන සංඝගත දක්ෂිණාව හා හීල් දානමය පිංකම මෙවරත් 25 වන වරට වර්ෂ 2025 ක් වූ නවම් මස 28 වන සිකුරාදා සහ මැදින් මස 1 වන සෙනසුරාදා යන දෙදිනයන්හී දී පවත්වන ලදී.
වෛද්‍ය විද්‍යා පීඨ පරිශ්‍රය අලංකාර කිරීම සහ පසුදා දානමය පුණයකර්මය මෙවරත් වෛද්‍ය විද්‍යා පීඨ බෞද්ධ සංගමයෙහි අනුශාසනා සහ මග පෙන්වීම යටතේ මෙම වසරේ අප පීඨයට අලුතින් ඇතුළු වූ 34 වන කණ්ඩායම සහ 4 වන දන්ත වෛද්‍ය පීඨ කණ්ඩායමෙි සොයුරු සොයුරියන්ගේ දායකත්වයෙන් සිදු විය.
එසේම එලෙස මෘතසේහ පරිත්‍යාග කරන ලද පින්වතුන්ගේ ඥාති හිතමිත්‍රාදීන්ගේ නොමසුරු දායකත්වය ද මෙම පුණ්‍යකර්මය ඉතා සාර්ථක කර ගැනීමට හේතුකාරණා විය.
මෙහිදී අපට නිතර අනුශාසනා ලබා දෙමින් අප දිරි ගැන්වූ වෛද්‍ය විද්‍යා පීඨයේ පීඨාධිපතිතුමියවත්, බෞද්ධ සංගමයේ ජ්‍යේෂ්ඨ භාණ්ඩාගාරිකතුමන්වත් ගෞරවයෙන් සිහිපත් කර සිටින්නෙමු.
