ශ්‍රී ජයවර්ධනපුර විශ්වවිද්‍යාලයේ වෛද්‍ය විද්‍යා පීඨයේ බෞද්ධ සංගමය විසින් 2025 ජූලි මස 5 වන දින උඩවලව ඇත් අතුරු සෙවණ සඳහා අත්‍යාවශ්‍ය ව පැවති රසායනාගාර උපකරණ ඇතුලු ද්‍රව්‍ය කිහිපයක් පරිත්‍යාග කිරීම සිදු කරන ලදී.
මිනිස් ක්‍රියාකාරකම නිසා අනතුරු වලට ලක් වන සහ රංචු වලින් මඟ හැරුණු වන වන සතුන්ගේ පශු වෛද්‍ය පරීක්ෂණ කටයුතු සහ ප්‍රතිකාර සඳහා අදාළ ද්‍රවය භාවිතා කරනු ඇත.
ස්ථාන භාර පශු වෛද්‍ය මාලක මහත්මා සහ අලි ඇතුන් සම්බන්ධ පර්යේෂක සමීර වීරතුංග මහත්මා ප්‍රමුඛ කණ්ඩායම සඳහා පරිත්‍යාගයන් ලබා දුන් අතර අලි මිනිස් ගැටුම සහ අලි ඇතුන් සහ අනිකුත් වන සතුන් නිරන්තරයෙන් ලක් වන අනතුරු, රෝගාබාද, ප්‍රතිකාර ක්‍රම සහ ඉදිරි යෝජනා සහ ක්‍රියාකාරකම් පිලිබඳව වෛද්‍ය ශිෂ්‍යයන් දැනුවත් කිරීමට ද ඔවුන් මෙහිදී කටයුතු කරනු ලැබීය.
වෛද්‍ය විද්‍යා පීඨ බෞද්ධ සංගමයේ ජ්‍යෙෂ්ඨ භාණ්ඩාගාරික විශේෂඥ වෛද්‍ය මලිත් නන්දසේන මහත්මාගේ මඟ පෙන්වීම මත බෞද්ධ සංගමයේ වගකීම් දරණ සහෝදර සහෝදරියන් ඇතුලු වෛද්‍ය ශිෂ්‍යයන් පිරිසක් මෙම අවස්ථාවට සම්බන්ධ විය.
